×

تحذير

JUser: :_load: غير قادر على استدعاء المستخدم برقم التعريف: 42

مراقبة عمليات التجميع والتصريف

لدي بهذا الموضوع اسلوب قائم بذاته استفدته منه كثيرا ويكاد لا يدخل سهم بمرحلة تجميع الا وانا اول العارفين (بدون برامج كميات ولا تحليل فني ولا شارتات بل من النظره والخبره، اكاد اكون متمكن 99% من ارتفاع المصافي قبل ارتفاعه بيوم وبارتفاع لا يقل عن 5 % (بالعاميه اتحدى مضارب المصافي يرفع سهمه 5% من دون لا اعلم !! وذلك لمعرفتي بقرائه الكمياته وامتلاكي سر ارتفاعه، حتى اني استفدت بكشف طلبات وعروض القروبات واعرف لمن هذا الطلب لقروب او لشخص عادي ، ولماذا تم رش 40.000 سهم دفعه واحده ولماذا تم عرض 30.000 وانشال منها 20.000 ماركت ؟

امور كثيره جدا سر كشفها والاستفادة منها هي هذه الطريقة

:طريقة قرائه الكميات :

سأعطي بمشيئه الله نقاط معينه لتعم الفائده المعرفه للجميع لتكون بداية موفقه لمن يرغب بالاستفاده والتعلم والمعرفه والابتعاد عن عناكب المطبلين والموصين واصحاب المصادر الغشيمه والتي تربحك 3 مرات وتخسرك بمره واحده قد للي ربحته ودبلها بعد .
نحن نبحث عن التعلم والاستفادة من السوق وان تحدد انت بنفسك ماذا تشتري ولماذا وتدير انت اموالك براحه بال لا برامج تشترك فيها ولا توصيات جوال بس انت الذي توصي نفسك بنفسك .

... على بركة الله لمحبي المعرفة اليكم مالدي :
بعطي مثال قديم على سهم الاسماك وكيف عرفت انه تجميع واضح وكيف ارتفع السهم
تذكرون الاسماك قبل 3 اسابيع يوم ارتفعت من 83 الى 95 بيومين ؟
بهذا الوقت تم معرفة ان الاسماك سيتحرك قبل تحركه بكم يوم واليكم كيف علمت بذالك :

الاسماك

افتح على موقع تداول واضغط على اليمين على (عرض جميع الاسهم ) بيطلع لك كل الاسهم
واضغط على سهم الاسماك ثم بتطلع لك صفحه فيه فوق اداء السهم (اضغط على اداء السهم )
بيطلع لك جدول عبارة عن تاريخ التداول - سعر الاقفال - الافتتاح -اعلى سعر - ادنى سعر -كميه التداول - الصفقات - قيمه التداول
نركز على اللي باللون الاحمر فقط مالنا دخل بالصفقات والقيمه .

شوف تاريخ تداول السهم من 2007/07/15 الى 2007/07/23
8 ايام تداول والسهم اقفاله بكل الايام تقريبا 83.50 وادنى سعر 81 نلقى تذبذبه ضيق بحدود 3 % وكل مايرتفعل ل86 ينضغط ويقفله 83 ولا يخليه ينزل عن 81 وكميه التداول كل يوم قليله من مليون سهم الى مليونين او مليونين ونص سهم فقط

فاذا كان اي سهم راكد من فترة ولم يرتفع ارتفاع قوي خلال اسبوع واسبوعين ونطاق تذبذبه ضيق بحدود 3 % واذا جاء نزول بالسوق نشوفه متماسك مايقفل تحت ادنى سعر له اللي هو 81 او 80 ومع ارتفاع السوق نلقاه يضغط مايخليه يقفل فوق سعر تجميعه اللي هو 83 او 83.50 فهو تجميع واضح جدا

وبينطلق باي وقت ونحط وقف خسارة اقفاله تحت ادنى سعر له مثال الاسماك ادنى سعر له خلال ال8 ايام هو 80 ان قفل تحتها فمعناه انهم نزلوا عن سعر تجميعهم ويعتبرون خسرانين فاطلع من السهم لحين العوده لنطاق تجميعهم من 80 الى 83

شوف وش سوى الاسماك ارتفع من 83 وطيروه ل89 وكملوا اليوم الثاني ل95 بس هنا زادت كميات التداول وصارت بتاريخ
2007/07/25 كميه التداول 9,745,611 <<كثر كميه الاسهم المتداوله على السهم وتفتحت اعيون الناس عليه ونزل ل88
ان شفنا زادت كميه التداول نطلع منه فرضا ب92 ونرجع له ان نزل قبل اعلى سعر له للتجميع (احنا قلنا اعلى سعر له للتجميع 83 نحاول ناخذه بين 85 الى 87 وبالفعل نزل ل87 وارتفع ل93 بيجلس يتذبذب ويدخلون ناس كثيره للمضاربه فيه / احنا اللي يهمنا اننا ندخل بوقت التجميع ونبيع بربح حول 15 % .
[color="RoyalBlue"][size="6"]معرفه التجميع بطريقه المتابعه للطلبات والعروض بمباشر برو

لازم تكون متابعه دقيقه جدا بمعنى احط 5 اوامر للسهم واحط 10 اوامر تفصيليه

ال5 اوامر تطلع لي سعر السهم 83 كم طلب عليه 50.000 الف سهم ل60 محفظـــــه
والعرض يطلع لي سعر السهم 83.25 كم عرض عليه 70.000 الف سهم ل80 محفظه

انا يهمني ال10 اوامر التفصيليه لانها تطلع لي اول 10 طلبات واول 10 عروض لكل محفظه
اكيد تعرفون تطلعون ال10 اوامر وال5 اوامر بمباشر برو ؟؟مثال : (يطلع لك جدول لل10 اوامر 10 طلبات و10 عروض )

1-طلب 1.000سهم بسعر83
2-طلب 200 سهم بسعر 83
3-طلب 550 سهم بسعر 83
4-طلب 600سهم بسعر 83
5-طلب 20.000 سهم بسعر 83
6-طلب 400 سهم بسعر 82.75
7-طلب1.000سهم بسعر 82.75
8-طلب 777 سهم بسعر 82.75
9- طلب 500 سهم بسعر 82.50
10- طلب 1500هم بسعر 82.50

1-عرض 1000 سهم بسعر 83.25
2-عرض2.800 سهم بسعر 83.25
3-عرض 1500 سهم بسعر 83.25
4-عرض 50.000 سهم بسعر 83.25
5-عرض 15.000 سهم بسعر 83.50
6- عرض 444 سهم بسعر 83.50
7-عرض 1.500 سهم بسعر 83.50
8- عرض 220 سهم بسعر 83.50
9- عرض 2222 سهم بسعر 83.50
10- عرض 1.000 سهم بسعر 83.50

اراقب الطلبات والعروض ال10 اوامر + الطلبات والعروض ال5 اوامر +كميه التنفيذ

اشوف الطلبات لما يدخل طلب 5.000 سهم او 10.000 سهم او 15.000 او 20.000 الى ال50.000 سهم ان شفت طلب لمحفظه وحده هذه الطلبات اراقبه وان باعوا الناس عليه اتابع كميه التنفيذ زادة (لان اي شراء او بيع يحسبها لك كميه التنفيذ مثال : اذا فيه عرض ب50.000 سهم وكانت كميه التنفيذ 1.900.100 ثم اختفى العرض اروح اشوف كميه التنفيذ زادت وصارت 1.900.150
ان زادت فمعناه ان فيه واحد او مجموعه شروا كميه العرض ال50.000 سهم واذا مازادت كميه التنفيذ بمعناه انه الغى عرضه .

ارجع للموضوع :اشوف الطلبات لما يدخل طلب 5.000 سهم او 10.000 سهم او 15.000 او 20.000 الى ال50.000 سهم ان شفت طلب لمحفظه وحده هذه الطلبات اراقبه وان باعوا الناس عليه اتابع كميه التنفيذ زادة

((( دائما القروبات والمضاربين يدخلون كطلبات او عروض على 5.000 و10.000 ))
ان شفته حط هالطلبات والناس تبيع عليه ولا يلغيه ويدخل هالطلبات باستمرار ويقابله عروض بنفس الكميه (يطلب من ضمن الطلبات 10.000 ويعرض من ضمن العروض 10.000 ) فمعناه ان فيه قروب بالسهم واراقب طلباته وعروضه وان حصل جني ارباح للسوق القا يحط طلب كبير 10.000 او 20.000 لمحفظه وحده ويرشها دفعه كامله ويحط عروض ويضغط على شان الناس تبيع معه لانه يرش نفسه ويحط طلبات له من تحت ويشتري اسهمهم وكل ماجاء السهم يرتفع حط عروض يضغط عليه ويخليه بنطاق تذبذب ضيق فهذا يدل ان السهم فيه احد يجمع فيه وباي وقت ينطلق ولا ننسى نحط وقف خسارة الاقفال تحت ادنى سعر له خلال فترة تجميعه

(( في شيء مهم ان شاهدما عرض كبير يضغط فيه فمعناه ان القروب عنده كميات وكان يقدر يبيع ماركت ليش يعرض ؟؟؟؟؟ لاني مايبي يبيع يبي يضغط علشان الناس تبيع وهو يشتري ولا ليش يعرض ؟؟؟ يبيع ماركت ابرك له ؟؟؟ بس لانه يستخدم كمياته للضغط والتميع نلقاه يستخدما بالعرض والضغط والعكس صحيح ان شفنا طلب كبير 50.000 او 30.000 الف سهم فمعناه يبي الناس تنتبه له وتدخل تشتري ماركت من العرض وهو حاااط لهم كميات له يبي يبيعها ويصرف عليهم ... يعني الطلبات الكبيرة اللي تدخل فجأه امر سلبي والعروض الكبيرة اللي تدخل فجأه امر ايجابي ،، واي امر كبير للطلب ينحط وينباع عليه من الناس ويتقلص بشويش من 50.000 الى 40.000 الى 30.000 الى ان يختفي فمعنه انه حاط طلبه ويبي اسهم ويبيعون الناس عليه ولا يلغيه يبي يجمع فهذا دليل اخر على التجميع // واذا لقيت عرض كبير وانشرى منه جزء ثم الغاه معناه انه مايبي تروح عليه كميته واذا حط عرض كبير وانشان ثم حط غيره وانشال فمعناه ياهو اللي يشيل عرضه على شان يوهم ان فيه احد يشتري او يحط عروضه والناس تشتري ويبيع عليهم للتخلص م السهم
معرفة التصريف بمتابعه الطلبات والعروض
نفس ماتابعناه باللي فات نطبقه ، وعكسه صحيح ،، اذا حط طاب كبير انتبه منه لانه يدعم علشان تنشرى عروضه / ودائما ان شاهد طلب رشه وباع عليه وكل ماتدخل طلباه يبيع عليها ويحط طلب ويقابله بعرض له علشان يوهمنا انه يدعم وهو بالحقيقه يصرف كمياته فاذا حط طلب كبير وجاه رش يلغيه مايبي يشتري ويغرقونه اسهم / والبعض عند نزول السوق يدعم لانه غرقان اسهم ولا يبيه ينزل يدعم ويعرض علشان يبين للناس ان السهم مدعوم وهو يصرف واي طلب يدخل يرشه على طول ... ويبين بالمتابعه للطلبات والعروض والتنفيذ صعب شرحه كتابيا .
والتصريف تزود فيه كميات التنفيذ يعني سهم تداوله دائما تحت 3 مليون سهم يزيد بشكل كبير ل9 مليون سهم و12 مليون فهو يدور نفس الكميات يبيع ويشتري للتخلص من السهم واي سهم يزيد تداوله الى 10 و15 مليون واكثر ينبغي الحذر منه // اذكر الباحه زاد كميات تداولها ل15 مليون وبعدها انفك السهم نسب تحت والاسماك ايضا ايام ماكانت ب400 زادت كمياته وانهار // وثمار يوم كانت 121 زاد كمات تداولها بشكل كبير ونزل ل70
(( كل ماقلت كميات تداول السهم اقل من 3 مليون والافضل اقل من 2 مليون سهم كانت اشارة ايجابيه ومريحه والعكس صحيح ))

التــــدويــــر
اكثر مايطبقها صناديق البنوك واكثر ماتظهر بالاسهم الكثير عدد اسهمها مثل كيان ينساب الكهرباء ...الخ
وهي زيادة كميات التداول بالشراء والبيع بفارق ربع ريال طوال اسبوع واكثر مثل الكهرباء طلب ب11.25 وعرض 11.50 وعلى هالحال وبكميات كبيره بال400.000 سهم طلب والعرض 700.000 سهم او طلب 3.000.000 والعرض 6.000.000 والهدف منه استفاده للمحافظ الكبيره بربح ربع ريال يطلعون من هالربع ربح ملايين والافضل الابتعاد عن اي سهم عليه تدوير

مثال :
اول مانزل الطباعه والتغليف شريته ب45.50 وكنت حاط وقف خسارة 45 ولاحظت ان تدخل طلبات كبيره وتنرش ثم القى شراء من العرض بكميات كبيره فجلس السهم ينباع 400.000 سهم على 45.25 وتنشرى كميات كبيره مثلها من العرض بسعر 45.50 ؟؟؟!!!
فمعناه ان فيه صندوق يدور بالسهم وخرجت منه فنزل ل42

بمعنى الابتعاد عن اي سهم فيه طلبات وعروض كبيرة لانه غثيث وتدوير ولعب صناديق

اقتباس:
أرسل أصلا بواسطة عضو ْ


اول حاجة ودي أعرف كيف السهم يكون تجميع والا تصريف والا تدوير ..؟!!


الان بينت لك طريقة معرفه السهم تجميع او تصريف او تدوير بس الكلام ماينفع لازم تحوسين بتداول تدخلين اداء اي سهم وتشوفين الاسهم الراكده واللي تذبذبها ضيق خلال اسبوعين ولازم يكون ماراتفع واجد وتطبقين عليها اللي قلته +تتابعين ال10 اوامر وال5 اوامر وتشوفين الطلبات والعروض وكميه التداول واي طلب حول 10.000 سهم او 5.000 سهم والعروض نفسها لانها طبات قروبات وتشوفين مع النزول شو بيعمل يلغي طلبه ولا ينفذ ويدخل طلبات اخرى وهكذ مو لازم تشترين اهم شيء تتابعين .وقت التداول علشان انشوف الطلبات والعروض حقت القروب الداخل بالسهم او المضارب

ومتى يدعم ومتى يرش طلباته ومتى يدعم على شان يصرف ومتى ادخل السهم

يدعم اذا كان في جني ارباح ولا يبي سهمه ينزل عن سعر تجميعه
اما ان كان يدعم بطلبات وبالمقابل فيه عروض فمعناه الرجال يدعم علشان يصرف

يرش طلباته : اذا حط طلب كمثال 30.000 سهم لمحفظه وحده ((( كل شغلنا على طلب لمحفظه وحده او عرض لمحفظه وحده لان اللي يعرض او يطاب كميات كبيره لازم يكون قروب او مضارب مو شخص عادي ويكررها على شان نأكد انه قروب )) ثم رشها او رش نصها دفعه وحده انتبه لازم يرش كميه دفعه وحده ويبين عندنا بكميات التداول تزد اذا باع او شراء ,,, ولما يرش الناس تخاف ويبيعون وهو يكون حاط طلبات له ب5.000 و10.0000 اهم شيء تكون اكثر من 4 الاف لمحفظه وحده علشان يشري اللي يبيعونه الناس

هل فيه فرق بين دعم السهم علشان التصريف والا دعمه علشان الرش ؟؟!!!
ايه فيه فرق :
الدعم على شان يصرف : يدعم بطلب كبير ويحط عروض له ولما الناس تشوف طلبه يشترون من العرض ثم يلغي طلبه على شان ما احد يرشه الدعم علشان يرش : يحط طلب كبير فيجي غيره ويحط طلب اعلى منه ويصير طلبه تحتهم ويجي ويبيع ويرش طلباتهم .

--عشش عناكب القروبات --

.. القروبات يتوجهون لشركات اللي عدد اسهمها قليله جدا ليسهل عليهم التحكم فيها .وهذي الشركات هي مانركز عليها .


وهذه فقط هي اقل الشركات عدد اسهم (من دون التأمين ):

بيشه ز: 5 مليون سهم
الفخارية : 5 مليون سهم
المواصلات بدجت :5.49 مليون سهم

المصافي :6 مليون سهم
فيبكو: 6,875,000
الشرقية الزراعيه: 7,500,000

ثمار: 10 مليون
شمس: 10,150,000
الصادرات: 10,800,000

تهامه:15 مليون سهم
الباحه: 15 مليون
معدنيه : 16,356,125
مبرد: 18 مليون

الطباعة والتغليف : 18 مليون
الدريس : 20 مليون
تبوك الزراعيه:20 مليون
الاسمــــاك :20 مليون
الجوف: 20 مليون سهم
الغذائيه :20 مليون سهم
صناعة الورق :24 مليون
اما باقي الشركات فعدد اسهمها من 30 مليون سهم واكثر الى 300 مليون سهم فصعب جدا دخول قروب فيها لانها تحتاج مبالغ ضخمه جدا للتحكم فيها.

الان ببين لكم سهمين عليهن تجميع وفيهن قروب او قروبين جالسين يجمعون وممكن يتحركون بأي وقت :

العبداللطيف

افتح على موقع تداول واضغط على اليمين على (عرض جميع الاسهم ) بيطلع لك كل الاسهم
واضغط على سهم الاسماك ثم بتطلع لك صفحه فيه فوق اداء السهم (اضغط على اداء السهم )
بيطلع لك جدول عبارة عن تاريخ التداول - سعر الاقفال - الافتتاح -اعلى سعر - ادنى سعر -كميه التداول - الصفقات - قيمه التداول
نركز على اللي باللون الاحمر فقط مالنا دخل بالصفقات والقيمه .

شوف تداولات السهم من شهر الى اليوم
نلقى تذبذبه ضيق بحدود 3 % وكل مايرتفعل 73 ينضغط وينزل ل70 ولا يخليه يقفل تحت 70 وكميه التداول كل يوم قليله من مليون سهم الى مليونين او مليونين ونص سهم فقط

فاذا كان اي سهم راكد من فترة ولم يرتفع ارتفاع قوي خلال اسبوع واسبوعين ونطاق تذبذبه ضيق بحدود 3 % واذا جاء نزول بالسوق نشوفه متماسك مايقفل تحت ادنى سعر له اللي هو 70 ومع ارتفاع السوق نلقاه يضغط مايخليه يقفل فوق اعلى سعر لتجميعه اللي هو 73 او 73.50 فهو تجميع واضح جدا

وبينطلق باي وقت ونحط وقف خسارة اقفاله تحت ادنى سعر له مثال العبداللطيف ادنى سعر له خلال فترات تداوله الماضيه هو70 ان قفل تحتها فمعناه انهم نزلوا عن سعر تجميعهم ويعتبرون خسرانين فاطلع من السهم لحين العوده لنطاق تجميعهم من 80 الى 83
مهم جدا : يهمنا يقفل تحت سعر وقف الخسارة فالغالب يتم رش السهم ونزوله تحت ادنى سعر للتخويف ثم يرجع بنفس اليوم ويقفل فوق ادنى سعر له 70

... يهمني انت تطبق وانت اللي تتأكد بنفسك ان هالسهم عليه تجميع وفيه عنكبوت قروبي داخل فيه وبيرفعه لا يقل عن 10 % كحد ادني ..

........فيبكو .....



مسكت السهم وطبقت عليه قرائه الكميات طلع السهم رووووعه :36_1_21:

ادخل بنفسك وشف ادنى سعر واعلى سعر للسهم خلال ال3 اسابيع الماضيه ؟؟؟ تشوف العجب

ادنى سعر له 90 والاعلى 93 له حول 3 اسابيع تجميع بهدوء وتطنيش بعدم رفعه ؟؟

والاربعاء نزل ثم شده اخر السوق بثواني ل94

حاول تتصيده ب92.25 الى 90.50 هذا اذا نزل .
... ملاحظه مهمه : ا
الكميات تعطي نتيجه ممتازه بس مشكلتها يبي الواحد يشتري ويصبر اسبوع اسبوعين ..بس تعطيك كشف لحركه السهم ومعرفه انه بيرتفع لا يقل عن 10 % (( حلوه 10 % باسبوعين يعني بالشهر 20 % بالشهرين 40 % والثلاث اشهر 60% وبالشهرالرابع تدبيله لراس المال :36_7_4:

وبهذا تبين لنا ان العبداللطيف وفيبكو بمرحه تجميع واضح وفاضح ومتوقع خلال اسبوع الى اسبوعين ان يحققن ربح من 10 الى 15 % كحد ادنى .. وسنلتقي بعد اسبوعين لنتأكد من مصداقية هذه الطريقة من عدمها 
Top